أسمها : جونغ نيكول
مواليد : 7-11-1991
موقعها في كارا : رابير
فصيله دمها : A
طولها : 164
- ولدت بكاليفورنيا ورجعت
لكوريا لما صار عمرها 18 سنه
وكانت صعبه عليها اللغه الكورية
بالبداية
- تعرف انجليزي واسباني
وكوري لكنها احياناً تخطي
بكلمات وتضحك الناس منها
- معروفه بأن شخصيتها
سعيدة وفرايحيه وودوده
مع الكل
- كانت فتاة تشجيع
لما كانت في المدرسة بامريكا
, وكانت ترقص من
كانت صغيره
- أمها جاءت معها لكوريا
وهي من اقرب الناس لها
تقول لما أكون متضايقه
ارجع وتكتب لي امي
كلمات تشجيعيه
ولما اصحى الصباح اشوفها
واتفاءل , أنا شاكره جداً
لوجدها معي
- تكرهه انها تبكي قدام الناس
وتقول أول ما جيت لكوريا كنت
ما أعرف احد و اصدقائي بامريكا
الوقت جداً مختلف بيننا وبينهم
ما أقدر اتواصل معهم عشان
كذا كانت تدخل بدورات المياه وتبكي
, وبعد ماتعرفت على اعضاء كارا
صاروا يخففون عنها
ويودونها تأكل لما تتضايق
- أقوى اعضاء كارا عاطفياً ,
عشان كذا نادراً ماتشوفونها
تبكي لما يستلمون جائزة
- تحب الاكل وتحب تسولف
عن الاكل ويقولون الاعضاء
ان معدتها ضعيفة وتتعب
بسرعه واللي يزعلها
ويبي يراضيها يوديها تأكل
- هارا تقول عنها : نيكول
أسعد لحظات يومها لما
يجي وقت الاكل
ونيكول تقول : في الصباح
أهتم للأكل قبل ما أهتم
لملابسي <~ يعني عندهم جدول
الصباح تصحى وتروح تشوف وش تفطر
- لها اصدقاء كثيرين ,
كي من شايني ,
امبر من افكس
هيويون وتيفاني
وسني وسيوهيون من السنسد
جينون من تو اي ام
نانا من ىغتر سكول
- مره تكلمت ببرنامج
سترونغ هارت عن احد من
المشاهير تعرفه وكانت متفقه
هي واياه يطلعون يتغدون فجأة
دق عليها واعتذر
بعدين اكتشفت أنه اعتذر
عشانه طالع مع هارا يتغدأ
وهارا بررت بأنه يحبني أكثر
لو كان يبي كان اعتذر مني وقال
اني على موعد مع نيكول
وبعد هالسالفة كثيرين
قالوا ان هالشخص
كي أو جينون بما أنهم اصدقاء
نيكول وتناشبوا هالاثنين
ببرنامج كل واحد يقول انه انت
ودقوا على نيكول وقالت انه
مو كي ولا جينون <~ أهم شي انهم ي
مونون عليها وكل واحد يدلعها من جهه
- تعزف على الكمان
من كانت بالصف الرابع للصف الثامن
- معجبة جداً بـ " لي هيوري "
و " شهينوا "
- تقول انها للحين مالقت
فنان قريب من رجل احلامها
- قريبه جداً من قيوري
وتقول انها مثل اختي الحقيقيه
- اسمها بالكوري يصير
" يونغ جو " ويعني
بالانجليزي Dragon ball
- تقول لو اني ماصرت
مغنية أتمنى أكون خبازة
, عشانها تحب الحلويات والكيك
والفانز ارسلوا لها بعيد
ميلادها فرن هديه
- دائما ماتكتب always smile
" ابتسموا دائما " لما توقع للفانز
- تحب ومعجبه بافلام توايلات و
هاري بوتر
- عميد الجامعه معطيها
هديه كلب ومسميتها دوبو ,
في برنامج سألوها
لو فيه كلب وانسان غرقانين
وتقدرين تنقذين واحد منهم
وبسرعه او بيموتون كلهم
من تختارين ؟
اختارت الكلب لان على
قولها الانسان ذكي
وبيقدر يتصرف لكن
الحيوان مسكين
- سألوها مره لما
كانوا كارا بيقلدون اغنية اقين اند اقين
, من أفضل عضو بالتو بي ام
قالت جونسو و جاي
- كانت مرشحه للفوز في قناة مينت
بانها أكثر بنت جذابة في
البرامج لكنها مافازت
- شاركت فترة في برنامج
ستار غولدن بيل وكانت
مميزه جداً فيه لدرجة
إن هان قينغ عضو السوبر جونير منصدم
أنها كانت عايشه برا و تعلمت
الكوريه من ثلاث سنوات
- بعد البومهم الجديد الكل
كان يثني على اللوك الجديد
لكارا خصوصاً نيكول ,
علقت قيوري وقالت " نيكول ناعمة
وكيووت لكن ع المسرح تكون
أكثر وحدة جذابة وسيكشي "
- في برنامج دريم تيم
سأل المذيع نيكول " تبين تتزوجين ؟ "
قالت اي وبعدين سالها
" من تفضلين زوجك مينهو من شايني
أو جونهو من تو بي ام ؟ " اللي كانوا
معها بالحلقة
فانحرجت وقالت للمذيع
" هالايام انت صاير رائع "
فقال لها " إذن هل تحبين الرجل المتزوج ؟ "
وانحرجت ماتوقعت انه متزوج
- نيكول على انها إنسانه
كيووت لابعد درجة بس ما
تعرف تسوي حركات الدلع أبداً .
وتقول انها تتعلم من مراقبتها لهارا و جيوونغ
- نيكول تعلمت الكوريه لما جاءت
كوريا وعلى انه تفهم وتتكلم
صح بس فيه احياناً الناس مايفهمونها
.. واعضاء كارا هو الوحيدين
اللي يفهمون وش تقول
في برنامج أوتنق فامليي
السيزون الاول ما أحد من أعضاء
الفاميلي فاهم شي من اللي
تقوله واعضاء كارا يترجمون
وفي برنامج هاها مونغ ..
لعب عضو تو اي ام جينون على
نيكول ودق عليها بحضور قيوري وهارا
وقال لها انها يحبها أكثر من صديق
, نيكول تنحت ولا تدري وش ترد
بعدين قال لها انه مقلب
وعصبت وصارت تصارخ
ولا أحد فاهم شي
فصارت قيوري تترجم لهم وش تقول
- تقول انها اخطئت ع المسرح مره
, مقاس رجلها صغير ودائما
تدعس في شوزها كل شي
جنبها عشان يكون مقاسها
فمره وهي تغني انفصخ الشوز
عنها وطاح اللي فيه فصارت
تجمعهم وتلبسه بس للاسف
هالشي ماعرض ع التلفزيون
