لماذا كرسي الاعتراف

مش عارفة مين اللى سماه (شقاوى )
مع ان أسمه حاتم .... تقريباً هو يستحق الأسم
لأنه غاوى (يدبس ) أصدقاؤه الغلابة فى
إعترافات بمنتهى الشقاوة

إعتراف لابد منه ... طلبه منى شقاوى .... ولابد من تنفيذ
الأمر تحت رغبة اخ كريم وعزيز ..

أحياناً يكون الإعتراف وسيلة لراحة النفس وهدوءها
وتخليصها من الألم وأحساس اللوم.....
المهم أن الإعتراف يليه محاولة إحلال وتجديد
لطريقة الحياة...

فى البداية أقر وأعترف
ــــــــــــــــــــــــــــــــــــــــــــــــــــ
1- إنى حساسة زيادة عن اللازم اوى لدرجة أكرهها

2- أعترف إنى ممكن أكون صبورة كتير جدا جدا لكن إحرص
من الصبور لو غضب ممكن أضيع كل صبرى بأنفعالى
وده بيضعنى فى مشاكل احيانا لأنى لو خرجت
أنسان من حياتى مش ممكن يرجع تانى

3-أكره بشده الغباء لا أتحمله ...بخلاف الجهل لأن الجهل
يعالج بالمعرفة لكن الغباء محتاج بتر

4- ضيعت كتير من حياتى حرص ووفاء لناس لاتستحق

5-اكره اكره اكره ...بل أبغض الطريق بالنهار ورائحة
عوادم السيارات والضوضاء والصخب ورائحة السجائر كلها
تصيبنى بغثيان (( (بالفعل ))) لا بالقول

6- ربما يثرثر قلمى احياناً كثيرة لكن فى الحياة لا أحب
(الرغى ) الكتير ويمكن يكون كلامى نادر اوى
فأنا أحب الهدوء جداً جداً

7- أهملت مرسمى من فترة بسبب الحالة الصحية
ويمكن ده عاملى أزمة نفسية كبيرة اوى


8- طبعا اقر و أعترف بكل سرور اموووووووت فى القطط
واحبها ولا أتخيل حياة من غيرها ومن غير ملمس شعرها
احيانا عندما اداعب طفل صغير انسى واقوله (بسبس ) هههه

9- لا أحب الخروج بدون داعى ابدا ابدا لكن لو خرجت اضيع
كل ما معى من مال حتى لو فى حاجات مالهاش لازمة هههه
زى الشيكولاته والايس كريم واكسسوار ات

10- لو كان عندى مهمة أو اى شىء من مسؤلياتى لايمكن
أن انام الا بعد قضائها حتى لو استمر عدم النوم أيام


11- مزاجية الحالة جدا ..يعنى مش ممكن اعمل شىء على
سبيل الواجب لكن اعمله بحب ولو مش لى مزاج انتظر أعتدال
مزاجى للقيام به على أكمل وجه

12- مشروبى المفضل كوب لبن دافى من غير سكر..

13-لا أحب أن يفكر لى احد لكنى ارحب بالمشورة والنصيحة.

14- لى معارف كتير لكن ليس لى إلا صديقة واحدة وللأسف
الشديد الحمد لله على كل حال ( حادثة وفاتها من أشد الالام ) التى اصابتنى
فى حياتى ولا اجد لها بديل الى الان .

15.عندما أحب انسان (الحب الانسانى) أخلص له بشدة متناهية
ولا احتمل له أى الم لكن للأسف لا اتوقع منه أى إساءة
ولذلك تحدث لى كوارث احياناً


16- أعيش بخيالى كثيراً فى فترات زمن بعيدة وأشعر أنى
أتيت منها بروحى هى فترة الزمن العباسى والاندلسى
والهند القديمة ولا تسالونى ماهو الترابط بينهم
لأنى لا اعلم


17- على يقين أن الأمة الإسلامية ستعود فى أزدهار
وأن الظلم له نهاية

يسلمووووووووووووووو على الموضوع تقبلي مروري

يسلمووووووووووووووووو لمرورك

انيووووووووووووووو